نصحته بكل قوه أن يلغى كافة حساباته ويتراهق.
قال لها " اليوم غير أمس، أنا أكبرك بعشر سنوات، مررت بكل المأسى التي لا يتخيلها عقلك الصغير".
ابتلعت كلمه "عقلك الصغير" ولكنها أخذت حقها عندما
قالت "يعنى هتكون حكيم عصرك وأوانك في الحب لما تكون عندك تلاتين سنه وعاملي فيها مثقف... خد النصيحة منى مش عشان أنا عمري عشرين سنه بس أنا ست وأفهم الستات بيفكروا أزاى"
هزت الجملة الاخيره قلبه ، فعلا كيف لم يفكر فيها من هذة الزاوية.
" متفكرش كتير، شغل المثقفين دا مينفعش معانا، الست كتله مشاعر يا رااااااااااجل"
أرتعش وقال فى نفسة" كتله مشاعر!!!!!!!"
ضغط على OFFLINE لأنه ببساطه لم يقوى على كتابة أى إجابه.
**************
صباح اليوم التالي تردد داخل عقلة "هو كرت شحن بعشره جنيه، قلها وحشتينى وأتكل ...."
نزل الى العمل وهذه الجملة تلح كأغنية مبهمة يحاول أن يتذكر أين سمعها
******************
في المساء قادته قدماه الى محل الفضيات الشهير ووقف طويلا أمامه. دخل.
قال للفتاه: " عاوز حاجه ... بس مش عارف هيا إيه ... أنا مش بعاكسك ... بس حقيقى أنا مش عارف هيا إيه" صمتت الفتاه وأخرجت بروش
وقالت :" طلاما أنت مش عارف...يبقى هو الغموض والسحر اللى لازم يميزوا هديتك ... إيه رأيك؟"
أمعن النظر فيه قليلا
وأخرج الحساب ودفع بدون أن يقول أى كلمة وأكتفت الفتاة بنظرة الامتنان التى غرقت فيها عيناة
دا حل لأصعب قصصي على الإطلاق، على فكره هو مش حل مفتوح كما تظنون، فى قصه لىّ سابقه تسمى شهرزاد ابتدعت حل لقصة الحب ولكني اليوم لا أراة مناسبا .... هذا الحل مناسب لبطل القصة الجديد
هناك ٤ تعليقات:
أممم
هو كلامك غامض شوية ولا انا اللي غبية !!
اخدت نصيحة بنت العشرين علشان هي ست وبتفهم الستات بيفكروا ازاي
وفوضت لعاملة المحل اختيار الهدية علشان هي ست وبتفهم الستات بيحبوا ايه
بس هي ايه المشكلة ؟!
أنا كاتب قصه يا أتنين فى واحد
وفى قصه مكنتش عارف أنهيها إزاى
وأنا قاعد دلوقت على النت ومدونتى جاتلى تتمه القصه
وهى مش قصه حب بالمناسبه
بس الحب جزء محورى فيها
هو التحليل اللى وصلتيله هو الصح لبطل القصه
فوض فتاه المحل وفتاه الشات(بنت العشرين) ليحلوا لة قصه حبه
شكرا
وبس هى دى المشكله
bingo
بينجو ورحمة الله وبركاتة
إرسال تعليق