ــــــــــــــــــــــــــــــــــــــــــــــــــــــــــــــــــــــــــــــــــــــ
أنشر هنا أخر بوست لنهى محمود قبل الاغلاق المأساوى
أكسير تفاؤل
تاج من موودي
امممممممم
ما هي الاشياء التي تبعث التفاؤل في نفسي
سؤال صعب لاني اي حاجة بسيطة بتفرحني يلا نبتدي
لما بابا يجيب لي ورد روز وورد كريم فيه نقطة برتقالي طول شهر مارس اكسير تفاؤل
لما ألعب بدبدوبدتي مشمشة وحماري الازرق وكركور وعجوة إكسير تفاؤل
لما أدخل المطبخ وأعمل أكلة حلوة لحد بحبه منتهى أكسير التفاؤل
لما ألعب في الدقيق الابيض وأعمل منه كيك وتورته لحد بحبه برضه اكسير تفاؤل
لما اروح مع هالة وترتيل سيتي ستارز أكسير تفاؤللما أنزل مع شيماء ورحاب وسط البلد إكسير تفاؤل
لما أزور هيام في بيتها وأوعد فيروز بزيارة إكسير تفاؤل
لما اقعد جنب طارق أخويا الصغير نحكي ونفضفض لبعض – غالبا عن الحب وسنينه – إكسير تفاؤل
لما محمد أخويا اللي دايما بيزور التاريخ ويقول انه اكبر مني يجي يتمسح فيا زي القطة علشان ياخد بوسة ووراها على طول يقولي شوفي لي فكة محمد بياخد مني طول الشهر بتاع 500 جنيه فكة إكسير تفاؤل
لما بشوف الاستاذ محمد هاشم إكسير تفاؤل
لما بلعب مع عبد الله وهو لسه متعلم المشي جديد والعب مع نهى هانم بكر منتهى منتهى اكسير التفاؤل
لما بقابل اصحابي " كسارة البندق " واحنا عاملين مفاجاه لحد منهم غالبا في سفاري نادي الشمس .. تخيلوا كل شهر مفاجاه عيد ميلاد لحد من العصابة في نفس المكان على اساس انها مفاجاه وكده اكسير تفاؤل .
لما اخد كل الحاجات اللي مضيقاني ومفرحاني واروح لامي واقعد معاها شوية واسقي الصبار اللي عندها واساله كبرت امتى .. وارجع قادرة شوية احتمل الحياة من غيرها إكسير تفاؤل
لما بروح سينما مع صحباتي واقرا في كتاب بحبه وامشي مع حد بحبه واقعد اتفرج على النيل من مكان قريب.
اكسير تفاؤللما بروح التكعيبة وامشي في وسط البلد واشرب قهوة في جروبي والف في ميدان طلعت حرب واكل طعمية من عند جاد اكسير تفاؤل
لما اكتب سطر يعجبني واحسه
لما اقرا شغل حلو واعمل شغل كتير اوي بحب اشتغل جدا
ايها الحب انت إكسير التفاؤل في عالمي شكرا لكل أوجه الحب السحريةــــــــــــــــــــــــــــــــــــــــــــــــــــــــــــ
ليست هناك تعليقات:
إرسال تعليق