فلتذهب ليلى إلى الجحيم

هذا تعليق القاص باسم المليجى صاحب مدونه عصافير الجنه على بوست كلنا ليلى

أنشره فى بوست مستقل لوجاهته لكنى غير جاهز للرد لمشغولياتى ولكن الرد موجود

إذا أهتم أحد بالرد فليتفضل

ده رأيي باختصاربالتفصيل بقه كل ما ذكرته سيادتك يدعم موقف الشاب المحترم أحمد.. باختصار الراجل شايف إن المكان اللي أنتو فيه منحرف-وأنا شخصيا بالصدفة كنت في نفس الكلية ونفس الجامعة وأؤكد لك كلامه- فقوم عمل إيه؟ لا جاب مدفع رشاش ولا زجاجات مولوتوف الراجل جه بكل بساط وكلم البنت بصوت واطي لدرجة إنك مسمعتوش.. قلها إيه مش دي المشكلة، هو قلها إللي هو مقتنع بيه، لو هيا عندها قناعة تانية فبكل بساطة ممكن تناقشه، لكن اللي حصل غير كده. منطقه انتصر وهي اتأثرت لدرجة البكاء وربنا يجعلها من حسناته.قوم أنت عملت إيه؟عشان أنت معندكش منطق ولا حجة قعدت ترفع صوتك عليه.. أه يا متطرفين يا متسعودين ياللي خربتوها وعاوزينا نبقى زي الأفغان.. فين الأمم المتحدة هاتولي جورج بوش الأب والأبن وكوندي وليزا وشوية رايس بالكاري.وبعدين قعدت على المدونة بتاعتك تضيع وقتنا وتقول النظم المجتمعية اللي بتقهر الفرد وقهر المرأة والكلام اللي حمض من كتر الركنة طب قوللي كده وعيني ف عينك.. هو مفيش قهر على الرجل ولا الطفل ولا عسكري الأمن المركزي ولا سائقي المترو ولا موظفي الشئون الاجتماعية..فيه؟طب قوللي ليه مبنعملش حملات لدعم كل العالم دي؟أقولك أنا.. ولا بلاشسؤال بس الأول.هي الأخت ابتسام طالما هي كانت شغالة مع بنات بعييييييييييييد تماما عن طه وشغل يدوي مش أصنام ولسه الظهر ما أذنش.. ليه بعد ده كله مقدرتش ترد على الأخ أحمد؟ وقعدت تعيط بشكل انهياري. ونبي متقوليش هو قهرها والكلام الفاضي ده.. كل واحد فينا عنده لسان ويعرف يرد هي مش مطلوب منها إنها تلاعبه كاراتيه عشان تقنعه بموقفهاهو ده رأييطالما واحد مش عايز يحارب عشان موقفه، أحارب له أنا ليه؟ فلتذهب ليلى إلى الجحيم.. ويمكن لقيس أن يلحق بها هناك وعلى فكرة بالنسبة لموضوع الأخ ماجد.. مش عيب يعني شحط في الجامعة أبوه يقوله أطلع من الجوالة يطلع.. رجالة آخر زمن