الجميلة جدا سعاد حسنى تمثيلا وغناءا و رقصا
على كلمات المبدع صلاح جاهين
نسمى دة إة
تكامل ...إبداع... جمال
أفتكرت المشاهد دى وإعجابى الشديد بيها
لما أختى كانت بتحكى لى على يحيى الفخرانى فى مسلسل "يتربى فعزو"فى حلقة موت ماما نونا
من بس الحكى بكيت ...مش مصدقين.. معزورين أصلكوا مشفتهوش وهو بيمثل الملك لير على المسرح القومى
دة فى مشهد النهاية -كلنا عارفين و حافظين إن المللك لير هيموت -بس هو فاجئنا بأنة شاور لفوق ،لسقف المسرح،والكل فى المسرح مع الاندماج بصوا لفوق و نزلنا بعيونا لقيناة مات
أنا عارف لما بكتب بعفوية تلقينى بنقل لنقط كتير مش مترابطة إلا فى راسى ... فمعلش
أنا عاوز أقول ان الابداع دة لاينتج من فراغ
محدش وقعت علية التفاحة أم عمل سنيما جميلة
زى مصلاح جاهين كان ورا سعاد حسنى فى فيلم شفيقة و متولى
كان يوسف معاطى ورا يحيى الفخرانى فىمسلسل عزو
بأختصار عاوز أعرف رأيكوا فى موضوع صلة الممثل بالكاتب
بأعتبار انهم الاثنين مبدعين
هناك ٧ تعليقات:
فاوست ازيك عامل اية
الكاتب ثم الكاتب ثم الكاتب لحد اخر السنين
الكابت هو اللي عندة الفكرة عندة الموضوع وعارف خيوطه كلها والاهم من دة هو اللي عندة ملكة الكتابة بس
نيجي لدور الممثل نلاقية في مجموعة المشاعر والاحاسيس اللي لغة الحوار او النص بمعني اصح راسمها فياديها الممثل باتقان ينجح العمل
بس خلي بالك ممكن يكون العمل جيد جدا والممثل يخربه والعكس ممكن يكون النص ضعيف لكن خبرة الممثل بتنجحة
تعالى نشبهه بحاجة الشجر اللي بنشوفة بعنينا الجزوع و الاوراق ينفع نشوف شجرة من غير ورق او رق من غير شجرة
لكن اللي ممكن يتغير قدام عنينا هو نوع الورق
يعني الكاتب الناجح واحد لكن ممكن يجيب الممثل اللي يقدر يترجم اللي قاله في وسط اوراقة وعلى فكرة الكلام دة في كل حاجة في الدنيا الكتابة التخطيط اهم من كل حاجة تانية
مرة تانية الكاتب هو الاساس لأن لو مفيش كاتب صح مش هنشوف عمل ناجح صح لأن بالتالي الممثل مش هيلاقي حاجة يقولها
تحياتي
بتتكلم عن الصلة مش كده.. صلة الممثل بالكاتب وصلة سعاد بجاهين ومعاطي بالفخراني ولير وشكسبير.. بتتكلم في الكيميا.. وماتقلقش انا شخصيا فاهم اللي في راسك وتقاطعاتك، ونقطك المركز التي قد تبدو غير مركزة، أرجع تاني للكيميا، هو بالمناسبة كيميا ولا طبيعة، الحياة دون حرية تبقى موت،والحب من غير حنان يبقى بتنجان، والقلب من غير حبيب يبقى حتة خشب، والسمك من غير ميه يبقى نحله، واحنا من غيرك نبقى حجر جيري، صباح الدماغ العالية
في البيئة الواطية اللي احنا فيها
تحياتي ومحبتي
والله الصله بين الكاتب والممثل
لازم تكون زى الصله بين حماده عزو وماما نونا كده
هههههه
شكرا لزيارتك مدونتى المتواضعه
الا قولى فاوست دى يعنى ايه
معلش اختك جهله شويتين
ملهاش غير فى الحقن والانتى بايوتك
!!!مكسرات - ردت عليك
الاجابة دى مضمنها بشكل خفى فى التدوينة
لان ببساطة شكسبير أحسن من سعاد و يحيى و بهاء و يوسف
لكن
مين اللى ييحيى الكلمات
د.زين - هيى سعاد حسنى
بتعمل كدة
الكميا كمى كمى كا
نعم
عند حق الروابط دى أكبر من أننا نفهمها
نحسها
وكفاية الاستمتاع
د.زين حقيقى شكرا على تقديرك لى
لماضة - ساعتبر دى لماضة
بس أنا فرحت أنك زورتينى
وأنا فديك الساعة لما دكتورة الدكاترة تشرفنى
فاوست شخصية روائية تناولها عدد كبير من الكتاب على سبيل المثال
جيتة ومارلو و برنارد شو
وهى أصلا أسطورة عن دكتور باع روحة للشيطان فى سبيل معرفة كل شئ عن العالم وبالفعل يوقع معة عقدا بموجبة بأخذ الشيطان روح فاوست للجحيم
و متسأليش أنا أخترت الاسم لية
علشان الاجابة فى تدوينة قادمة أن شاء اللة
الموضوع موضوع رؤية للكاتب فهو يري بطل كتاباته دائما امامه في صورة ممثل محدد فيبدع اكثر و يعطي و هناك الكثيرين مما يجدون ابداعهم متعلق بشخص محدد والافضل الا يرتبط الابداع باحد
همسه
همسة - كلامك فى شئ من الصح أو الحقيقة
فلا ننكر أبداع أسامة أنور عكاشة
أو محمد صفاء عامر
فهم لم يكتبوا للورق أقصد للكتاب
بل للتمثيل التلفزيونى بالاعتماد على وجود مخرج معين يتعامل معة
أما الابداع و أرتباطة بمثلل معين فهذا موضوع ضخم فمثلا نرى يوسف شاهين و علاقتة بالممثل علاقة متوترة أفصح المخرح عن هذة العلاقة فى أحد أفلامة
و مارتن سكروزى يضع ليرراندو دى كابريو فى تقريبا فى كل أفلامة الجديدة
أهلاك أم أستهلاك
الكاتب عندما يكتب ويبدع من أجل الإبداع وليس من أجل المادة
ويخرج شئ قوي
هو بالفعل قوى
حتى لو قرأته دون أن تراه تمثيلا
وعندما يجد هذا العمل ممثل أيضا قوى يضيف له من فنه
فيصبح العمل أقوى وأقوى
ويا سلام لو كان الأثنين
الكاتب والممثل متفاهمين
تبقى كملت
تحيااااااتي
إرسال تعليق